шекара күзетін басқару органдарының қарауына жататын мәселелер

шекара күзетін басқару органдарының қарауына жататын мәселелер
Қазақстан Рес-публикасының Мемлекеттік шекарасын анықтау және өзгерту, Қазақстан Республикасының Мемлекеттік шекарасы мен аумағын күзету ең жоғары мемлекеттік өкімет пен басқару органдары арқылы Қазақстан Республикасының қарауына жатады.
Қазақстан Республикасының қос парламенті Мемлекеттік шекараны күзету саласында заң актілерін қабылдайды, олардың іске асырылуына бақылау жасайды, үкіметтің, министрліктер мен ведомстволар басшыларының бұл мәселелер жөніндегі есептерін тыңдайды, шекара саясатының негіздерін және шекараны күзетудегі халықаралық ынтымақтастықтың негізгі бағыттарын белгілейді, Мемлекеттік шекараны күзету мәселелері бойынша халықаралық шарттарды бекітеді. Қазақстан Республикасының Президенті Қазақстан Республикасының Мемлекеттік шекара туралы заңдарының сақталуына кепілдік береді, мемлекеттік органдардың Мемлекеттік шекараны күзету саласындағы қызметін үйлестіріп отырады, Мемлекеттік шекараны күзету мәселелері бойынша мемлекетаралық шарттар жасасады. Қазақстан Республикасының Үкіметі өз өкілеттігі шегінде Қазақстан Республикасының Мемлекеттік шекарасы туралы заңдардың орындалуын ұйымдастыру мен бақылау үшін Қазақстан Республикасының Президенті мен Мәжіліс және Сенат алдында жауап береді; осы мәселелер бойынша актілер шығарады. Шекаралық облыстардың жергілікті өкімет және басқару органдары өз аумақтарында: – шекара әскерлеріне Мемлекеттік шекараны күзету мен оның тәртібін қамтамасыз етуге көмектеседі; – Қазақстан Республикасының Мемлекеттік шекарасын күзету мұқтажы үшін тегін пайдалануға жер береді, оның пайдаланылуына және осы жерде Қазақстан Республикасының табиғат қорғау заңдарының сақталуын бақылауды жүзеге асырады; – шекара әскерлері мен әуе шабуылына қарсы қорғаныс әскерлерінің объектілері, әскери қызметшілер, әскери емес қызметшілері мен жұмысшылары, олардың отбасы мүшелері және тұратын жерлері жөнінде құқыққа қарсы әрекеттердің жасалуына жол бермеу жөнінде шаралар қолданады; – азаматтарды еріктілік негізінде Қазақстан Республикасының Мемлекеттік шекарасын күзетуге тартуға жағдай жасап жәрдемдеседі; – өз аумақтарында Қазақстан Республикасының Мемлекеттік шекарасы туралы заңдарды барлық органдардың, кәсіпорындардың, олардың бірлестіктерінің, ұйымдардың, мекемелердің, қоғамдық бірлістіктердің, сондай-ақ лауазымды адамдар мен азаматтардың орындауын қамтамасыз етеді; – шекаралық облыстардың (аудандардың) өкімет және басқару органдарының басшылары Мемлекеттік шекара-дағы шаруашылық қызметтің, сонын ішінде шектес жақпен бірлескен қызметтің мәселелерін шешкен кезде шекаралық өкілді аппараттардың жұмысына қатысады.

Казахский толковый терминологический словарь по военному делу. — Мектеп.

Игры ⚽ Поможем сделать НИР

Полезное



Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»